عيد ميلاد

  • تعليق
سلام لكم احبائي و قرائى
اليوم هبتدى اكتب فى يومياتى .. هكتب اهم الأحداث اللى بمر بيها و هكتب كل اسبوع من كل يوم سبت .. زى النهاردة كدا .. بكتب يومياتى النهاردة و انا عندى 16 سنة بالظبط
و طبعاً التدوينة دى لأحداث اليوم فمفيش اى شئ جديد .. طبعاً لو بكتب لأحداث اسبوع كان حصل اشياء مهمة .. المهم اليوم كان عادى خالص روحت دروسي و رجعت من الدروس و روحت عند جدتى .. احنا متعودين نروح كل يوم سبت عند جدتي .. فأنا روحت و رجعت و جيبنا تورتة عيد ميلادى و أكلناها انا و العيلة .. امنيتي لهذا العام ، الخاصة هى التفوق الدراسي و امنيتى العامة هى شفاء كل المرضي من كل العالم و كل الناس تبقي ايد واحدة سواء مسيحيين و مسلمين ، او اغنية و فقراء ، او اهلاوية و زمالكوية
و ان تكون السلام هى لغة العالم كله
و اسيبكم مع صور التورتة


و انا فى اخر كل تدوينة هسيبلكم صورة لي .. و لما يبقى عندى 17 سنة هحط صورى كلها ورا بعضها فى فيديو فى يوتيوب علشان تشتغل تلقائياً .. علشان اشوف التغييرات اللى حصلت
على العموم
اهى الصورة
و انا عند جدتي
 و اشوفكم بخير فى تدوينة جديدة

ads


شاهد ايضا ( فيديو مشابه )