ثورتنا بتتسرق (جبهه إنقاذ مصر بالسويس)

  • تعليق

ثورتنا بتتسرق

جبهه إنقاذ مصر

بالســـــويـــــــس

تعرف يا أبن بلدى أيه اللى بيحصل من السلطة فى مصر . أكيد أنت عارف فيه مظاهرات و احتجاجات كتير فى كل المحافظات و بتسأل نفسك ليه كل ده طب تعالى نشوف إيه القرارات اللى أصدرها الرئيس مرسى و ليه أحنا برنفضها و ليه لازم إنت كمان ترفضها .
1 - تعرف إن الرئيس مرسى أصدر فرمان بأن كل قراراته و قوانينه اللى أصدرها و هيصدرها بعد كده محصنه ضد الطعن أمام أى جهه قضائية و مش من حق حد الاعتراض عليه و لا بالقانون يعنى كده الرئيس مرسى أخذ سلطات مقدرش يأخذها حسنى مبارك و لا أى حاكم حكم مصر يبقى إحنا عملنا ثورة ليه ؟ علشان نلغى صوت الشعب و القضاء و يبقى الرئيس فوق الجميع و الحاكم بأمره .
2 - هو ينفع إن الرئيس يلغى دور القضاء و يحصن الجمعية التأسيسة للدستور و مجلس الشورى قبل ما القضاء يقول كلمته طب فين اليمين اللى الرئيس أقسمه لحماية القضاء و احترام أحكامه هو إحنا انتخبنا الرئيس علشان يبقى معاه كل السلطات و يتحكم فى البلد حسب هواه و مفيش حد فى مصر يقدر يراجعه فى أى قرار يأخذه يعنى يسلب حرية الشعب و نسكت طب عملنا ثورة ليه .
3 - هو قانون حماية الثورة اللى أصدره الرئيس قانون لحماية الثورة و لا قانون الطوارئ جديد بأسم مختلفة طب عملنا الثورة ليه إحنا ما صدقنا نخلص من قانون الطوارئ و لا القانون الجديد علشان احتكار الثورة و اسكات الشعب .
4 - نرفض (دستور) اللجنة التاسيسه (المسلوق)
يبقى هتسكت تانى ناوى تستنى 30 سنة تانى ولا هتنزل تطالب بحقك .
إحنا السوايسة بدأنا الثورة و مكملين و نازلين يوم الثلاثاء 27 نوفمبر فى ميدان الاربعين (الشهداء) عقب صلاة الجمعة 30/11/2012 إنزل معانا يا ابن بلدى ايدك فى ايدى نكمل مشوارنا و ننجح ثورتنا .
جبهه إنقاذ مصر
بالســـــــويـــــــس

ads


شاهد ايضا ( فيديو مشابه )