بـ 5 جنية إحمى نفسك من التحرش فى 30 يونيو

  • تعليق

أصدرت صفحة شفت تحرش بيانا دعت فيه جميع الفتيات والنساء للمشاركة في فعاليات يوم 30 يونيو، لاستخدام "إبره المنجد " كوسيلة دفاع عن النفس. ونصحت الحملة الفتيات -عبر صفحتها الرسمية على "فيس بوك"- بشراء "إبرة المنجد" بحجم قبضتي يد، مشيرة إلى أنها متوفرة في جميع محلات الكلف والخردوات وسعرها لا يتعدى 5 جنيهات. وشرحت الحملة للفتيات والسيدات طريقة استخدامها كالآتي: "هتحطيها في حمالة البرا بالطول كأنك بتشبكي طرحة الحجاب بطريقة تكون ماسكة حمالة البرا والبلوزة أو البادي وده لسرعة إمساكها والتحكم بها، مش هتحطيها في شنطة ولا في جيبك ولا أي حتة غير هنا فقط". وتتابع الحملة نصائحها للفتيات: "هتنزلي مع مجموعة مش لوحدك ولا تكونوا مجموعة بنات فقط ولو كنتوا بنات بس تنضموا لأي تجمع يكون فيه ناس كتير"، وتبرر الحملة ذلك بأن المتحرشين يخافون الزحام. وتشدد الحملة في حديثها للفتيات قائلة: "لو لا قدر الله حسيتي بأي لمسة، أو هجوم عليكي بسرعة هتطلعي الإبرة و تخبطيها في أي مكان بجسم المتحرش، و لما بنقول أي مكان يعني أي مكان حتي لو كانت العين، أو منطقة حساسة، ولما هيتم نقله للمستشفي، هيتسلم لحملة شفت تحرش عشان ياكل العلقة التمام، ويعترف مين باعته يعمل كدة". وتطمئن الحملة الفتيات قائلة: "أعضاء الحملة والمتطوعين حواليكي في كل شبر سواء كان في التحرير أو الاتحادية وجاهزين بكل الوسائل، ونتلقى البلاغات عبر الخط الساخن: 01150118822". وتناشد الحملة الفتيات قائلة: "اتصلي وبلغي عن مكانك بالتفصيل هتلاقي أعضاء الحملة في ثواني عندك ده لو مكانوش جنبك بالفعل وبينقذوكي قبل ما يحصل حاجة، هتلاقي الدعم النفسي والدواء وملابس جاهزة لو ملابسك لا قدر الله اتقطعت، هتلاقي عربية تنقلك عالبيت فورا لو حالتك تستدعي، هتلاقي بيوت آمنة في محيط الاتحادية للبقاء والهدوء، هتلاقي فريق عمل مدرب هينزل بمجموعات كبيرة وأغلبهم أبطال كمال أجسام وكاراتيه والفتيات منهم مدربات علي اقتحام الدائرة وإنقاذ الفتيات". 

الفجر


شاهد الموضوع الأصلي من هنا


ads


شاهد ايضا ( فيديو مشابه )