قبل كل شئ احب ان انوه ان فى هذا الموضوع لا اتحمل مسؤلية من يقرأه فى اى شئ فلك كامل الأختيار فى الخروج منه الآن لأن ما ستقرأه قد يجعلك تندم لدخولك هذه التدوينة من البداية

فاكرين الست اللي رجعت بيتها 

لاقيت الدبدوب بتاعها بيقلى سمك

راح حادف طاسة الزيت عليها

فى الاول خلونا نبتدى لأصل هذه القصة و هبتديها معاكم بالتفصيل

الست دى كانت مشتريه الدبدوب دا من على الرصيف و بعد ام جبته بدأت تلاقي الشقة بتتنضف لوحدها اثناء و هى فى الشغل و اخر مرة رجعت لقيت الدبدوب اللى اشترته بيقلى سمك و لما شافت كدا صرخت راح الدبدوب حدف عليها صاسة الزيت و الست اتحرقت فى الوقت دا و اغمي عليها

ول ما وصل المعمل الجنائي و اخدوا اقولها فهموا منها ان دا بسبب الدبدوب و ساعتها جابوا خبراء و فحصوا الدبدوب فلقيوا ان القطن اللى جوا الدبدوب عليها قطرات دم فأكتشفوا ان الدبدوب دا معمول من قطن السراير اللى فى المستشفيات

طبعاً القصة دى اتكذبت و فيه ناس صدقتها

اما بالنسبة ليا انا مصدقها خصوصاً لما الكلام دا اتكرر تانى بس المرادى القصة متشهرتش بالطريقة اللى فاتت

و انا نفسي معرفش ليه

و فى التدوينة دى هحكلكم اللى حصل بالتحديد

فى سنة 2010 وصل اسرة فى احدى المناطق بقنا و الاسرة دى مكونة من اب و ابن ذو 4 سنوات

و هبتدى انقلكم القصة من على لسان صاحب القصة (لوصول القصة كاملة ليس اكثر)

.

.

.

.

.

انا (مدحت) عندى 31 سنة زوجتى توفت عند ولادة ابنى و انا من بدأ يعتنى به و لم ارضي بأن اتزوج حتى لا يحل احد مكان الام فى حياة ابنى

عندما بلغ ابنى (علاء) الـ 4 سنوات تركنا القاهرة و انتقلنا للعيش بقنا و الحمد لله  وجدنا منزل بسعر مناسب و وظيفة جيدة استطيع من خلالها توفير الدخل الممتاز لحياة ابنى

و بعد شهرين من استقرارنا هناك اصطحبت ابنى للتنزة قليلاً و عجبت ابنى دمية على شكل طفل صغير يلبس رداء ارنب جميل

فقمت فوراً بشرائه له

و رجعنا البيت و كانت فرحة ابنى بهذه الدمية شديد

و فرح به اكثر من كل الألعاب لديه

لدرجة انه كان يأخذها فى كل مكان سواء الحضانة او تربيزة الطعام او حتى إلى الحمام

و بدا هذا مستفزاً نوعاً ما

و فى مرة رأيته يأخذ الدمية للحمام فقمت بالصراخ عليه

و قولت :  سيب ام العروسة دى شوية لحسن تتجنن

ابنى يرد (بصوت خافت قليلاً) :  بابا انتا كدا بتضايق نيمو بصوتك وبتخوفه

انا :  نيمو دا كمان يطلع مين

ابنى :   دا صحبي يا بابا اللى انتا اشترتهولى من عند عمو اللى على الرصيف

انا :  يووووووووه مفيش فايدة .. طب خلص الحمام يا لمض و اخرج عشان الغدا جاهز

خرج ابنى و بدأنا نأكل و لاحظت ان ابنى يكلم دمياه كأنها تستجيب معه فعلاً و انا لا ارى

سحقاً ! انه خيال الأطفال .. كيف لى ان افكر بهذه الطريقة المتخلفة !

انتهى اليوم و خلدت للنوم ثم ايقظنى ابنى على الساعة الثانية بعد منتصف الليل 

و قال :   بابا هتيجى معايا الحمام و اخد نيمو معايا عشان انا بخاف اروح لوحدى

انا :  لا روح انتا و نيمو

طبعاً انا كل اللى فى ذهنى الآن انى اشجعه عشان ميخافش يروح اى حته لوحدة

و مر اسبوع على الحال دا لدرجة انى فكرت اتخلص من العروسة المستفزة دى

بس اللى كان بيمنعنى تمسك ابنى بيها

و على بليل لقيت ابنى مش نايم جنبي على السرير و طلعت ادور عليه فى الصالة

يالا الدهشة !

لا اصدق عينى ما هذا يا الله !

ابنى يلعب مع الدمية و هى تتحرك فعلاً

لقد تخدر جسمي و فقدت النطق لما وجدت العروسة بتبصلى و بتضحك

ساعتها بحركة لا ارادية صرخت و اخدت ابنى و جريت بيه برا الشقة و حلفت انى مش راجع البيت لما الاقى الحل

بعد يومين من نومى فى فندق قررت اخد 3 شيوخ يختموا القرأن و قسيس يعمل قنديل فى الشقة

المهم اول لما رجعت البيت لقيت العروسة موجودة فى مكان مختلف و هو تحت الكنبة

اخدت العروسة  شرحتها و لقيت فى القطن بتاعها نقطتين واحدة كبيرة و التانية صغيرة بشكل واضح اوى

ساعتها مش عارف ازاى جالى الجرأة اعمل كدا يمكن عشان كان موجود الشيوخ فدا ادانى شجاعة

المهم اخدت العروسة و رميتها فى مكان بعيد خالص عن المنطقة اللى انا ساكن فيها

بعد شهر بدأت انسي الموضوع دا شوية و بدأت افهم ابنى براحة

و اقوله : اللعبة دى شريرة و اوعى تكون سمعت كلامها فى حاجة و اى حاجة قلتهالك متفكرش فيها تانى

هو :   بس يا بابا هى قالتلى انك انتا الشرير و مش بتحبها

انا :   اياك تفكر فى كلامها يابنى اللعب مش بتتحرك دى مجرد حاجة وحشة

بليل على الساعة 2 بعد منتصف الليل لقيت ابنى بيقومنى من النوم

و بيقول :  بابا بابا قوم تعالا معايا علشان اروح الحمام

انا : اوك يا حبيبي

دخل الحمام و سمعته بيغنى جوا اغنية قديمة اوى

من اغانى الأطفال اللى كانت بتتعرض على القناة الأولى المحلية بس الأغنية دى قديمة اوى

انا مش عارف ابنى جابها منين

و الغريب انى لقيته بيغنى و بيرد على نفسه فى الأغنية كأن فيه اتنين جوا بصوت ابنى

المهم ابنى خرج و سألته عن اللى حصل جوا

و فى الوقت دى انا كنت واقف على ركبي

و ببص على التيشرت بتاع ابنى لقيت عليه نقطتين الدم اللى كاناو موجودين فى قطن العروسة

ساعتها ايدي كلها ارتجفت و برفع راسي و ببص على وش ابنى لقيت عليه ابتسامة عجيبة ليمكن تكون ابتسامة لطفل برئ .. ابتسامة حاسس انها انها انها اقل ما يمكن وصفة انها ابتسامة شيطانية

و بسرعة سمعت ابنى بيصرخ و اغمى عليه

و كأى اب فى موقف زى دا بياخد ابنه و يجرى بيه على المستشفى لكن انا معملتش كدا انا طلعت برا الشقة و اتصلت بالدكتور

و دخلت مع الدكتور جوا الشقة

لكن ملقيتش ابنى مغمى عليه انا لقيت ابنى جوا الحمام و بيغنى اغنية بابا فين

لقيت الدكتور بيقولى : اومال مين اللى جوا دا يا استاذ ابقي اكشف على مخك الأول

انا : لا و الله اصل اصل

الدكتور :   ولا اصل ولا فصل سلام عليكم انتا قومتنى من احلاها نومة

ابنى خرج و انا اعدت ابص عليه من فوقه لتحتيه عشان ادور على نقطتين الدم

لكن ملقتش اى حاجة تدل على وجود شئ عجيب بأبنى

ابنى :  مالك يا بابا فيه ايه ؟!

انا (بتوتر) :   ولا حاجة يا حبيبي بس انا مش هنام جنبك النهاردة عشان انا عيان

هو : اوك حاضر

ابنى دخل اوضه تانية و قفلت عليه بالمفتاح و انا دخلت اوضتى و قفلت عليه بالمفتاح

طبعاً انا مكانش جايلي نوم

فقولت اطلع اشوف ابنى من خرم الباب و لقيت حاجة عجيبة مدهشة و هى ان ابنى بيطلع العروسة الحقيرة دى من الدولاب

روحت بحركة سريعة كسرت الباب على ابنى و زعقت فيه بقوة شديدة

و قولت : مش قولتلك اكتر من مرة ان دى عروسة شريرة و متفكرش تجيبها و لو شوفتها فى اى مكان فى البيت تقولى

و روحت اخدت العروسة و رميتها من الشباك

بس الشباك عندنا كان قصير نوعاً ما راح ابنى عيط بطريقة هسيتيرية و جرى عليه و رمانى من الشباك

و وقعت من الدور الرابع

و على اسر الحادثة نقلت للمستشفي و تم نقل ابنى لمستشفى الأمراض العقلية و تم فقدانى للذاكرة و بعد شهرين بدأت اتذكر كل شئ مما  حدث

لكن لم اكن انوى ان اتفوه بأى كلمة الا للناس الذين يعتقدون فعلاً بوجود الأرواح الشريرة .. اما بالنسبة للأطباء فلم اخبرهم ابداً لأنه بكل بساطة سيتم اتهامى بالجنون

و قصصت هذه القصة لصديق لى و هو بدوره عرفنى على شاب اسمه كيرلس و هو له مدونة الكترونية بأسم كراكيب و قمت بقص له كل ما حدث

.

.

.

.

.

و من هنا اكون قد انتهيت و تستطيع ان تبدى رأيك تجاه هذه القصة المأساوية عن طريق ترك تعليقك صندوق تعليقات الفيس بوك بالمدونة

و ارجوكم تأكدوا من من شركات الألعاب التى تشتروا منها لأبنائكم