شعب معفن بالفطرة
- كركبة
-
شعب معفن بالفطرة
يعنى ايه ؟!
مش محتاج افسر الجملة
دى حقيقة احنا شعب معفن و بيحب العفانة :)
احنا يعتبر من اكتر الشعوب و احنا صغيرين بنكتب موضوعات تعبير عن النظافة
فاكرين فى موضوعات التعبير دى كنا بنكتب ايه ...
يجب الا نلقى القمامة فى الشارع ... شاطورة يا حبيبي
يجب ان نحافظ على نظافة مدرستنا ... عسل يا حبيبي
بعد كدا كنا بنشترى من كانتين المدرسة شيبسي و بسكوت و مش بتبقى بالنسبالنا اى مشكلة ان احنا نرمى الورقة دى فى حوش المدرسة
عادى يعنى !
و يا سلام بقي لما والدت حضرتك كانت تبعتك ترمى الزبالة :)
كنت ساعتها تحس انك رايح تتمرن كرة سلة
بس انتا لاعب فاشل :)
كانت دايماً الزبالة بتقع ع الأرض و تتفتح
عادى مفيش مشاكل هيجي عامل النظافة و يلم مكانك
مهى كدا بالظبط الحيوانات بيستنوا سيدهم ينضف من وراهم
المشكلة الأساسية ان احنا مهتمين بأننا ندرس للأطفال مواضيع تعبير ملتزمين بكلام اصم ابكم بدون اننا نديهم تجارب عملية
مفكرناش شوية ليه لما نطلع دول الغرب بنحترم نفسنا و نرمى الزبالة فى مكانها الطبيعي و احنا حاطين الجزمة فى فمنا !
عشان الناس دى فهموا يعنى ايه نضافة من وهما صغيرين
هما دول الغرب الكافر !
هو تقريباً كدا الشعب دا لازم يمشي بالكرباج
بمعنى تانى يتفرض غرامة متقلش عن 300 جنية مصرى لو واحد بس القى ورقة ع الأرض
نعم ! الغرامة كبيرة :D
مهو احنا شعب بخيل بالفطرة + اننا معفنين بالفطرة
فأكيد لما يبقى مبلغ كبير بالنسبة لورقة هنلتزم و هى رجلينا فوق رقابتنا
انا بنتقد حاجات موجودة فى الشارع المصرى و بتحصل و بتخلى شكلنا زبالة فى اى دولة فى العالم
انا مش بحب اطبل ورا الشعب و اقولهم برافو انتو صح
و انا هفضل انقد فى كل حاجة وحشة بتحصل
لأن اكيد فيه حد بيقرأ كلامى و لو حتى بالصدفة
و كمان ممكن الحد دا يبدأ بنفسه
